Saturday 21st November 2026

डिपोर्टेशन सेन्टरमा रहेकी नेपाली महिला कामदारको कुवेतमा उपचारको क्रममा मृत्यु


तीतोपाटी – डिपोर्टेशन मार्फत स्वदेश फर्कन लागेकी एक नेपाली महिला कामदारको कुवेतमा उपचारको क्रममा मृत्यु भएको छ । साँघु गाउँपालिका – १ ताप्लेजुङ स्थायी घर भइ हाल धरान बसोबास गरि करिब अढाइ वर्षदेखि कुवेतमा कार्यरत रहि स्वदेश फर्कन लागेकी ४४ वर्षीया देवी माया लिम्बुको उपचारको क्रममा कुवेतको फरवानिया अस्पतालमा यहि मार्च ७ तारिक बिहान मृत्यु भएको कुरा मृतकका भाइ देव लिम्बुले तीतोपाटी डट कमलाइ जानकारी दिएका हुन् ।

राहदानी नं. ०८९८७७११ भएकी देवी माया भारतको बाटो हुँदै कुवेतमा घरेलु कामदारको रूपमा काम गर्न आएको र स्पोन्सरको घरबाट बाहिर निस्केर अवैधानिक रूपमा काम गर्दै बसेकी थिइन् । गत जनवरी ३१ तारिक नेपाली राजदूतावासबाट ट्राभल डकुमेन्ट बनाइ डिपोर्टेसन प्रकयाबाट घर जान लागेकोमा एक महिना देखि सम्पर्कबिहिन भइ अचानक हिँजो ७ मार्च तारिकको दिन मृत्यु भएको खबर प्राप्त गरेको भाइ देव लिम्बुले तीतोपाटी सँगको कुराकानीमा बताए ।

मृत्युको सम्बन्धमा नेपाली राजदूतावासमा बुझ्दा नेपाली राजदूतावासका द्वित्तिय सचिव श्रीकृष्ण सिलवालले मृत्यु बारे प्रारम्भिक जानकारी प्राप्त भए पनि अस्पतालको पोष्टमार्टम रिपोर्ट लगायत अन्य विवरण प्राप्त नभएकोले सबै विवरण प्राप्त भए पछि नेपालमा मृतकका परिवारजनसँग समन्वय गरि कानुनी प्रकृया पुरा गरि शव नेपाल पठाइने बताए ।

पारीवारिक स्थिति सुधार्नका लागि परदेश आएकी देवी मायाको परदेशमै मृत्यु भएको छ भने उनी कुवेत आएपछि उनका श्रीमानको पनि मृत्यु भइसकेको छ । हाल उनका २ छोरा र १ छोरी रहेको उनका भाइ देव लिम्बुले बताए ।


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...