Thursday 19th November 2026

कविताः आनन्द दान – लोक छन्द: झ्यारे(देवकोटा प्रिय)


आनन्द कता चाहिन्छ यता जनले खोजेका
मनका व्यथा आनन्द साथ भनौँला भनेका
आफूले लिन आनन्द पछि दौडेका लखेट्दै
आनन्द लुक्छन् कुनामा कतै भेट्दैनन् पटक्कै।१।🌷🙏🌺

आफूले मात्र आनन्द लिँदा अरुको छेकिन्छ
लोकमा सबै आनन्द पछि दौडेको देखिन्छ
दुनियाँ लाग्छ आनन्द पछि पागल तरह
बेहोरा पनि देखिन्छ उस्तै दानव सरह ।२।🌷🙏🌺

नेताले ठग्छ आफूकै लागि सम्पति जोड्दछ
चोरले चोर्छ आनन्द लिन आफूको निमित्त
राजा र रङ्क चोर र साधु सन्त र महन्त
सबैको एकै रहेको चाख देखिन्छ जीवन्त ।३।🌷🙏🌺

सबैको रोजी लोकको खोजी शान्तिको गोजीका
लोकका प्रिय आनन्द बाबु सर्वत्र डुलेका
मन्दिर धाउँंछ्न् आनन्द लिन श्रध्दालु भक्तले
अरुको लागि आनन्द बाँड्छन् सज्जन ज्ञानीले ।४।🌷🙏🌺

आनन्द दान हुँदैछ भन्ने खबर सुनेर
आनन्द माग्न गएको साने बुरुक्क उफ्रेर
जीवन ज्ञान विज्ञान सँगै जहान साथमा
सानेले लियो प्रशस्त ज्ञान गुरुको माध्यम ।५।🌷🙏🌺

सबैले बुझ्यौँ आनन्द मिल्ने दिँदामा रहेछ
अहिले सम्म आफूले खोज्दा भ्रमले घेरेछ
सानेको लक्ष अबको वर्ष आनन्द बाँड्ने छ
आनन्द दिन पाएमा साने आनन्द मान्ने छ ।६।🌷🙏🌺

सबैका प्रिय आनन्द बाबु दिलमा बस्दछ्न्
जीवन ज्ञान विज्ञान साथ मितेरी गाँस्दछ्न्
निरोगी तन आनन्दी मन भएमा आनन्द
आफूले आफ्नो दिलमा खोजे तत्काल भेटिन्छ ।७।🌷🙏🌺

-हरि शर्मा(गलकोटे कवि)
मिशिगन, अमेरिका । 🌷🙏🌺


सम्बन्धित शीर्षकहरु

काठमाडौं । भूमिहीन दलित, भूमिहीन सुकुम्बासी तथा अव्यवस्थित बसोबासीको समस्या समाधान गर्ने अभियानअन्तर्गत सरकारले पाँचवटा स्थानीय तहलाई भूमिहीन समस्यामुक्त पालिका…

१८ नोभेम्बर २०२६ | मध्यपूर्व / मध्यपूर्वमा अमेरिका र इरानबीचको सैन्य तनाव थप चर्किएको छ। इरानको केश्म टापुस्थित क्षेप्यास्त्र प्रक्षेपण…

-गोबिन्द राज ओझा (राजन ) अनन्त आकाशबीच चम्किने ताराका ज्योति हौँ हामी सबै, प्रकृतिका कणकणभित्र लुकेको चेतनाका मोती हौँ हामी…

प्रतिकृयाहरू
...