Thursday 19th November 2026

कविताः कोजाग्रत पूर्णिमा – छन्दःझ्याउरे -हरि शर्मा (गलकोटे कवि)


धनकी देवी हे लक्ष्मी माता खै कता जानुभो ।
पत्तो नै छैन सुटुक्क फेरि कसैको हुनुभो ।
सरस्वती लक्ष्मी साथैमा राख्ने मनको चाहना ।
लक्ष्मीले झिक्न लागेको देख्छु अनेक बहाना ।१।🌷🌺🌼💐

उदेक लाग्दो धनकी देवी तर्केर भागेको ।
शारदा भक्त भएछ भन्दै उम्किन लागेको ।
हे लक्ष्मी माता सुनाएँ यता पुकार भक्तको ।
हजुर त त्यता बन्नु भा रैछ मूर्खको भक्त पो ।२।🌷🌺🌼💐

आरती गर्छु दिनहुँ मैले पर्दछु भरमा ।
हजुर त खालि रमेको देख्छु जालीको घरमा ।
आँटिलो ब्यक्ति रोजेर बस्ने कुरा म जान्दछु ।
दुष्टको मात्र अगाडि देख्दा अचम्म मान्दछु ।३।🌷🌺🌼💐

अनेक रुप धर्तिमा देख्छु लीला नै अपार ।
सज्जन पनि माग्दैछ भिक्षा गरेर पुकार ।
दु:खीको घर दु:खैको कुरा यसैको भजन
भण्डारभरि भरेको टम्म दुखको खजाना ।४।🌷🌺🌼💐

साधन मान्छु प्रयोग गर्छु विचार पुराई।
सुटुक्क आए राम्रो हो भन्छु साईत जुराई।
सम्मान गर्न जानेको मैले महत्व बुझेको।
त्यसैले लक्ष्मी सरस्वति पनि साथैमा पुजेको ।५।🌷🌺🌼💐

आजको रात लक्ष्मी ती माता सबैका घरमा।
डुलेर हिँड्ने को जागा भन्दै शहर गाउँमा।
जाग्राम बसी आरती गरे लक्ष्मी नाउँमा।
दौलत धन सुन र चाँदी मिल्दछ भागमा ।६।🌷🙏🌺

भनेको सुनेँ जाग्राम बस्छु दर्शन दिनुहोस्।
आएको बेला जागा नै हुन्छु हेरेर जानुहोस्।
बिराएँ भने नजानी कतै क्षमा म माग्दछु ।
फर्केर आए दु:खीको घर खुशीले राख्दछु।७।🌷🙏🌺

हरि शर्मा (सुवेदी)

मिशिगन अमेरिका।🌷🙏🌺


सम्बन्धित शीर्षकहरु

काठमाडौं । भूमिहीन दलित, भूमिहीन सुकुम्बासी तथा अव्यवस्थित बसोबासीको समस्या समाधान गर्ने अभियानअन्तर्गत सरकारले पाँचवटा स्थानीय तहलाई भूमिहीन समस्यामुक्त पालिका…

१८ नोभेम्बर २०२६ | मध्यपूर्व / मध्यपूर्वमा अमेरिका र इरानबीचको सैन्य तनाव थप चर्किएको छ। इरानको केश्म टापुस्थित क्षेप्यास्त्र प्रक्षेपण…

-गोबिन्द राज ओझा (राजन ) अनन्त आकाशबीच चम्किने ताराका ज्योति हौँ हामी सबै, प्रकृतिका कणकणभित्र लुकेको चेतनाका मोती हौँ हामी…

प्रतिकृयाहरू
...