Thursday 19th November 2026

किबोर्ड हलो – लोक छन्द (सवाई) -हरि शर्मा (गलकोटे कवि)


बिहानको आठ बज्दा मेलो जोत्न शुरु !
बेलुकीको पाँच बज्दा फुकाउँछु गोरु !
धेरै जसो रोपाइँ त केही दिन बन्द !
जोत्या-जोत्यै गर्दा पनि नसिद्धिने धन्दा ।१।????

मनिटर खेत मेरो किबोर्ड हो हलो !
दुई हात गोरु परे जोत्छु बाँझो मेलो !
राउटर स्विच नामका डल्ला मैले फोर्छु !
पेशाले म इन्जिनियर कतै चित्र कोर्छु ।२।????

जमानाले कोल्टे फेर्दा उन्नत जाते गोरु!
घरमै बसी जोत्न मिल्ने के भनौँ म अरु !
कहिले भारत युरोप मेलो कहिले हङ्कङ तिर।
मेक्सिको र चीन तिरको पार्छु मेलो चिरा ।३।????

अम्रिकाने खेत भने जोत्न अति सारो !
के दिनमा हली लाएँ पर्‍यो आज गाह्रो !
दिनमा त्यहीँ शान्ति फेरि खाजा लिई आउँछिन्!
फाट्ट-फुट्ट कविताले यता आँखा लाउँछिन्।४।????

मिठो मिठो घाँसतिर लोभिएका गोरु !
कोरोनाको कहरले भएँ बाचूँ मरूँ !
यो चालले बितेका छन् मेरा दिनहरू!
हजुरको के छ कुन्नि सुनौँ न त बरू ।५।????

हरि शर्मा (सुबेदी)
नुवाकोट-गलकोट, बागलुङ नेपाल
हाल: मिशिगन अमेरिका ।


सम्बन्धित शीर्षकहरु

काठमाडौं । भूमिहीन दलित, भूमिहीन सुकुम्बासी तथा अव्यवस्थित बसोबासीको समस्या समाधान गर्ने अभियानअन्तर्गत सरकारले पाँचवटा स्थानीय तहलाई भूमिहीन समस्यामुक्त पालिका…

१८ नोभेम्बर २०२६ | मध्यपूर्व / मध्यपूर्वमा अमेरिका र इरानबीचको सैन्य तनाव थप चर्किएको छ। इरानको केश्म टापुस्थित क्षेप्यास्त्र प्रक्षेपण…

-गोबिन्द राज ओझा (राजन ) अनन्त आकाशबीच चम्किने ताराका ज्योति हौँ हामी सबै, प्रकृतिका कणकणभित्र लुकेको चेतनाका मोती हौँ हामी…

प्रतिकृयाहरू
...