Sunday 22nd November 2026

नेपालमा कोरोनाबाट एकै दिन १४ जनाको मृत्यु, मर्नेहरूको जम्मा संख्या २२१ पुग्यो


तितोपाटी – विश्वव्यापी महामारीको रूपमा विश्व मानब समुदायलाइ नै चपेटामा पारेको कोभिड-19 नोवल कोरोना भाइरसको कारण नेपालमा एकै दिन १४ जनाको मृत्यु भएको छ । कोरोनाको कारण एकै दिन ज्यान गुमाएको  यो अहिले सम्म कै अधिक संख्या हो । यो सँगै नेपालमा कोरोनाको कारण ज्यान गुमाउनेको संख्या २२१ पुगेको स्वास्थ्य तथा जनसंख्या मन्त्रालयका प्रवक्ता प्रा. डा. राजेश्वर गाैतमले बताएका छन् ।

स्वास्थ्य तथा जनसंख्या मन्त्रालयले नियमित पत्रकार सम्मेलनमा जनाए अनुसार कोभिड-१९ का कारण मृत्यु भएका व्यक्तिहरू महोत्तरी, सुनसरी, बारा र  काठमाडाैं का ४ महिला र महोत्तरी र रूपन्देहीका २-२ जना तथा मोरङ, सुनसरी, राैतहट, भक्तपुर, ललितपुर र नवलपरासीका १-१ जना पुरूष गरि १० पुरूष रहेका छन् ।

मन्त्रालयका अनुसार सुनसरीकी ७४  वर्षीया, बाराकी ४७ वर्षीय, महोत्तरीकी ६२ वर्षीया र काठमाडाैंकी ७२ वर्षीया गरि ४ जना महिलाको मृत्यु भएको हो

त्यसैगरी सुनसरीका ६० वर्षीय, मोरङको ६२ वर्षीय, महोत्तरीका ७० र ३५ वर्षीय, राैतहटको ३० वर्षीय, ललितपुरको २९ वर्षीय, भक्तपुरको ६५ वर्षीय, नवलपरासीको ६२ वर्षीय र रूपन्देहीको ५७ र ६७ वर्षीय पुरूष गरि १० जना पुरूषको कोरोना संक्रमणको कारण मृत्यु भएको हो ।

यस अघि हिँजो र अस्ति कोरोना संक्रमणको कारण १२-१२ जनाको मृत्यु भएको थियो ।


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...