Sunday 22nd November 2026

नेपालमा कोरोनाबाट आज पनि १२ जनाको मृत्यु, मर्नेहरूको कुल संख्या २०७ पुग्यो


तितोपाटी – विश्वव्यापी महामारीको रूपमा विश्व मानब समुदायलाइ नै चपेटामा पारेको कोभिड-19 नोवल कोरोना भाइरसको कारण नेपालमा एकै दिन १२ जनाको मृत्यु भएको छ । यस अघि हिँजो पनि कोरोना संक्रमणको कारण १२ जनाको मृत्यु भएको थियो । यो सँगै नेपालमा कोरोनाको कारण ज्यान गुमाउनेको संख्या २०७ पुगेको स्वास्थ्य तथा जनसंख्या मन्त्रालयका प्रवक्ता प्रा. डा. राजेश्वर गाैतमले बताएका छन् ।

स्वास्थ्य तथा जनसंख्या मन्त्रालयले नियमित पत्रकार सम्मेलनमा जनाए अनुसार कोभिड-१९ का कारण मृत्यु भएका व्यक्तिहरू काठमाडाैं, ललितपुर, भक्तपुर र पर्साका २-२ जना रहेका छन् भने सिरहा, गोरखा, कास्की र पाल्पाका १-१ जना रहेका छन् । तीमध्ये ३ महिला र ९ पुरुष छन्।

मन्त्रालयका अनुसार भक्तपुरकी ६२ वर्षीया महिला, काठमाडाैंकी ५१ वर्षीया महिला र पाल्पाकी ३० वर्षीया महिला गरि ३ जना महिलाको मृत्यु भएको हो

त्यसैगरी सिरहाका ८४ वर्षीय पुरूष, काठमाडाैंका ८३ वर्षीय पुरूष, भक्तपुरका ८२ वर्षीय पुरूष,  ललितपुरका ७२ र ६१ वर्षीय पुरुष, कास्कीका ५८ वर्षीय पुरूष, पर्साका ४८ र ३९ वर्षीय पुरूष तथा गोरखाका ३८ वर्षीय पुरूष गरि ९ जना पुरूषको कोरोना संक्रमणको कारण मृत्यु भएको हो ।

 


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...