Sunday 22nd November 2026

नेपालको कोरोना अपडेटः ३७ हजार बढि संक्रमित, २०७ जनाको मृत्यु, २०५५५ निको भए


तितोपाटी – नेपालमा पछिल्लो २४ घण्टामा थप ८८४ जनामा कोरोना संक्रमण पुष्टि भइ कुल संक्रमित संख्या ३७३४० पुगेको छ भने देश भरका अस्पताल तथा आइसोलेसन सेन्टरमामा १६५९० जना उपचाररत रहेका छन् । त्यसै गरि अहिलेसम्म कोरोनाको कारण मर्नेको संख्या २०७ पुगेको छ । देशको राजधानी काठमाडाैं उपत्यकामा पछिल्लो २४ घण्टामा १८६ जनामा कोरोना संक्रमण देखिएको छ । पछिल्लो २४ घण्टामा ३१३ जना कोरोना जितेर घर फर्केका छन् भने १२ जनाको मृत्यु भएको स्वास्थ्य तथा जनसंख्या मन्त्रालयले जनाएको छ।

स्वास्थ्य तथा जनसंख्या मन्त्रालयका प्रवक्ता प्रा. डा. जागेश्वर गाैतमको अनुसार शनिबार अपरान्ह सम्म कुल २०५५५ जना कोरोना संक्रमणबाट निको भएर घर फर्किएका छन् । त्यसै गरि मृत्यु हुनेहरूमा ३ जना महिला र ९ जना पुरूष गरि १२ जना रहेका छन् भने अहिलेसम्म कोरोनाको कारण मृत्यु हुनेको संख्या २०७ पुगेको छ ।

हालसम्म देशभर पीसीआर विधिबाट ६ लाख ६९ हजार ६ सय २६ जनाको परीक्षण भएको  छ भने हाल क्वारेन्टाइनमा ८ हजार ३५ जना रहेका छन् भने अाइसियुमा १७५ जना र भेन्टिलेटरमा २२ जना उपचाररत रहेका छन् । होम आइसोलेसनमा ६४४५ जना रहेका छन् भने संस्थागत आइसोलेसनमा १०१४५ जना उपचाररत रहेका छन् ।

विश्वव्यापी महामारीको रूपमा संसारभर फैलिरहेको कोरोना भाइरसबाट अहिलेसम्म २ करोड ४९ लाख ४३ हजार भन्दा बढि संक्रमित भइ १ करोड ७३ लाख १९ हजार भन्दा बढिले स्वास्थ्यलाभ गरिसकेका छन् भने ८ लाख ४२ हजार भन्दा बढिको ज्यान गइसकेको छ ।


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...