तितोपाटी – नेपालमा आगामी भदाै १ गतेदेखि आन्तरिक तथा बाह्य हवाई सेवा सुचारू हुने भएको छ । सोमबार बसेको मन्त्रिपरिषद्को बैठकले सुरक्षा प्रोटोकल लागू गरी हवाई सेवा सुचारु गर्ने निर्णय गरेको हो । उडान सुचारू गर्नको लागि आवश्यक प्रोटोकल बनाउने जिम्मेवारी बैठकले पर्यटन मन्त्रालयलाई दिइएको छ।
संस्कृति, पर्यटन तथा नागरिक उड्डयनमन्त्री योगेश भट्टराईका अनुसार पर्यटन मन्त्रालयले आन्तरिक र बाह्य उडानका लागि छुट्टाछुट्टै मापदण्ड बनाइ उडानको तयारी गरिनेछ ।
विश्वभर महामारीको रुपमा फैलिएको कोरोना भाइरस -कोभिड–१९_ महामारी रोकथाम तथा नियन्त्रणका लागि सरकारले गत वर्षको चैत ५ गतेबाट अन्तर्राष्ट्रिय हवाई उडान र चैत १० गतेबाट आन्तरिक हवाई उडान बन्द गरेको थियो ।
बैठकले आन्तरिक उडानका लागि सम्पूर्ण सुरक्षाको प्रवन्ध मिलाउन पनि सरोकारवाला निकायलाई निर्देशन दिने भएको छ ।
