तोयानाथ उपेक्षित – एउटा सामान्य चुनाव थिएन एनआरएनको चुनावी शैली र उमेद्धारको उर्जालाई हेर्दा । सदा झै यसपाली पनि युरोप, अमेरिका, जापान र अष्ट्रेलिया नै एनआरएनमा हावी देखिन्थे । “पैसा फ्याको तमासा देखो” भने झै पैसा फ्याका फ्याक थियो । कुन दिशाबाट बहेको हावामा पैसा उडिरहेको छ भनेर सवैका आँखाले देख्न सक्दैनथ्यो । भिडभित्रैबाट कतिपयका आँखा त्यहि उडिरहेको पैसा बटुल्नमा व्यस्त थिए ।
एउटा अध्यक्षको उमेद्धारले खर्च गरेको बजेट एउटा सानो नगरपालिकाको बजेट भन्दा कम थिएन । एउटा गाउँपालिका किन्न सक्ने हैसियतका उमेद्धारहरुका अगाडी पछाडी हिड्नेहरुलाई हायातमा स्वर्ग खसे झै भएको थियो । टाउकाको मोल मोलाई भईरहेको पत्तो हुदैनथ्यो । विचौलियाहरुले कसलाई कतिमा बेचे बुझ्न गाहो थियो तर किनबेच भने भईरहेको कुरा घाम जस्तै छर्लङ्गै थियो । त्यहाँ गोरु बजारको जस्तै गरि मोल तोकिन्थे । खसी बजारमा झै हरेकलाई जोखिरहेको देखिन्थे । आखिर अरबकाहरू नै सवै भन्दा सस्तोमा विकिरहेका थिए । तर कुनै स्वादको थिएन । मन्दिरमा चढाएका नरिवल पुजारीले राती व्यपारी लाई बेच्ने र विहान श्रद्धालुले त्यही किन्ने बर्षौ पुरानो कथा मतदाताको मतीसँग तुलना गर्दा हुन्थयो । एउटै मतदाता धेरै ठाउँमा किनबेच भईरहेको थियो । यी भरोसा नभएका भेडाहरु सस्ता त थिए तर कस्ता थिए कस्ता कुन उमेद्धारले बुझ्यो होला र ? यहाँ सम्म बर्षौ पहिले अरब छाडेर नेपालमा बसेका तर एनआरएन बाट अझै तल नखसेका कुजातहरुले समेत अरबका भेडाको व्यपार चलाईरहेको थाहा पाउँदा अचम्मै लाग्थ्यो ।
सोझो जनावर गधा जस्ता भने यी अरबका थिएनन् । सधै राजनैतिक मञ्चहरुमा हाकाहाकी प्रस्तुत हुने भाटहरुलाई टाट पार्ने यिनै थिए । यिनका मतले अनेक काम गर्यो । जित्छु भनेर छाती ठोक्नेहरु हारे । हार्छु की भनेर डराएकाहरुले जिते । चुनाव समितीको लाहपर्वाहीबाट आजित भएर अघिल्लो दिन बहिस्कार बहिस्कार भन्नेहरुले बहिस्कार गरे पनि अरबेहरुले बहिस्कार गरेनन् । उनीहरुलाई जति दिन लम्बियो त्यति लाभै लाभ थियो । बस्न र खानको कुनै चिन्ता थिएन । मामाको घोडा मेरो हिहिहि ।
यिनीहरुले आफ्नो क्षेत्रमा अर्थात मध्यपूर्वमा नेतृत्वलाई सर्वसम्मत गरे । पैसा फयाक्ने र तमासा हेर्ने ल्याकत नभए पछि मिल्नुको विकल्प थिएन । आफूहरुले नेतृत्व मिलाएर सदभाव र एकता बढाउने काम गरेको ढोंग पनि पिटिदिए । सधै भरीको कतारको दादागिरी चल्ने मध्यपूर्वमा यसपाली अरुले मिलेर नाकाबन्दी र घेराबन्दी गरिदिए । कतार खुम्चिन बाध्य भयो । उसको बाध्यता र अरुको घेराबन्दीबाट तयार भएको मध्यपूर्वको नेतृत्व सन्तुलित बन्न गयो यसमा कुवेतको भूमिका प्रशंसनिय देखिएको विश्लेषण पनि बाहिर आयो ।
क्रमस …
