Friday 20th November 2026

मुस्ताङमा हिमपात र वर्षाले जनजीवन प्रभावित


चक्रवात ‘अर्नब’ को प्रभावले मुस्ताङको उपल्लो क्षेत्रमा भारी हिमपात र तल्लो क्षेत्रमा लगातार वर्षा भएको छ। हिमपातका कारण नेपाल–चीन सीमा जोड्ने कोरला नाका बन्द भएको छ भने वर्षासँगै पहिरो खस्दा जोमसोम–कोरला सडक अवरुद्ध भएको छ।

लोमान्थाङ र लोघेकर दामोदरकुण्ड क्षेत्रमा शुक्रबार रातिदेखि लगातार हिमपात भइरहेको छ। कोरला नाका आसपास दुईदेखि तीन फिटसम्म हिउँ जमेकाले सवारीसाधन र पर्यटकको आवागमन रोकिएको छ।

यता, छुसाङदेखि तल्लो क्षेत्रमा निरन्तर वर्षा हुँदा विभिन्न स्थानमा पहिरो खसेको छ। यसका कारण सडक यातायात ठप्प भएको छ र मालवाहक कन्टेनरहरू बीच बाटोमै रोकिएका छन्।

प्रशासनले स्थानीय बासिन्दा, पर्यटक र सवारी चालकलाई सावधानी अपनाउन तथा मौसम सामान्य नभएसम्म अनावश्यक यात्रा नगर्न आग्रह गरेको छ। हिमपात र वर्षाका कारण चिसो बढेकाले स्थानीय जनजीवनसमेत प्रभावित बनेको छ।


सम्बन्धित शीर्षकहरु

काभ्रे, मंसिर ३। काभ्रे जिल्लाको एक रिसोर्टबाट ३५ जापानीसहित ४० जना विदेशी नागरिकलाई प्रहरीले नियन्त्रणमा लिएको छ। दुई दिनभित्र काभ्रेका…

ढाका, नोभेम्बर १९। बंगलादेशमा पूर्वप्रधानमन्त्री शेख हसिनाको स्वदेश फिर्तीको विषयलाई लिएर राजनीतिक तनाव चुलिएको छ। हसिनाको पार्टी अवामी लिगका समर्थकहरू…

काठमाडौं । भूमिहीन दलित, भूमिहीन सुकुम्बासी तथा अव्यवस्थित बसोबासीको समस्या समाधान गर्ने अभियानअन्तर्गत सरकारले पाँचवटा स्थानीय तहलाई भूमिहीन समस्यामुक्त पालिका…

प्रतिकृयाहरू
...