Saturday 21st November 2026

कुवेतमा यात्री समाजको देउसी -भैलो, दक्षिणा समाजसेवामा


यात्री समाज कुवेतले आयोजना गरेको देउसी- भैलो कार्यक्रम ले तिहारको अवसरमा समाजले नेपाली धर्म, संस्कृति र परम्पराको संरक्षण गर्दै गीत-संगीत, रीतिरिवाज र भेषभूषासँगै उल्लासपूर्ण वातावरणमा देउसी-भैलो खेलेको थियो।

अक्टोबर २१, २२ र २३ गते तीन दिनसम्म नेपाली व्यवसायिक स्थल र समाजसेवीहरूको निवासमा पुगेर देउसी–भैलो प्रस्तुत गरिएको थियो। नेपाली समुदायको उत्साहपूर्ण सहभागिताले माहोल झन् जीवन्त बनेको थियो।

कार्यक्रमबाट जम्मा १०१६ केडी दक्षिणा संकलन भएको छ, जसमा ७५० केडी संस्था कोषमा सुरक्षित राखिएको छ। सो रकममध्ये करिब ६० प्रतिशत रकम समाजसेवामा प्रयोग गरिने योजना रहेको छ। म्याग्दी र दाङका दुई विद्यालयलाई सहयोग गर्ने र सडक बालबालिकाको सहयोगमा संलग्न संस्थाहरूसँग हातेमालो गर्ने तयारी समाजले गरेको छ।

महासचिव सुमित पोखरेलका अनुसार, “यो केवल चाडपर्वको उत्सव होइन, परदेशमा बसेर पनि आफ्नो संस्कृतिको रक्षा गर्ने हाम्रो प्रयास हो। देउसीको गीत र भैलोको तालमा हामीले माया, एकता र सहयोगको सन्देश बाँडेका छौं।”

कुवेत जस्तो टाढाको भूमिमा पनि नेपाली संस्कृतिको उज्यालो यसरी फैलिनु सानो कुरा होइन। देउसी–भैलोले सबै नेपालीलाई एकसाथ जोड्यो, मनले नजिक ल्यायो र सम्झायो जहाँ गए पनि हामी नेपाली हौं, हाम्रो संस्कृतिले नै हामीलाई चिनाउँछ।


सम्बन्धित शीर्षकहरु

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

काभ्रे, मंसिर ३। काभ्रे जिल्लाको एक रिसोर्टबाट ३५ जापानीसहित ४० जना विदेशी नागरिकलाई प्रहरीले नियन्त्रणमा लिएको छ। दुई दिनभित्र काभ्रेका…

ढाका, नोभेम्बर १९। बंगलादेशमा पूर्वप्रधानमन्त्री शेख हसिनाको स्वदेश फिर्तीको विषयलाई लिएर राजनीतिक तनाव चुलिएको छ। हसिनाको पार्टी अवामी लिगका समर्थकहरू…

प्रतिकृयाहरू
...