Saturday 21st November 2026

कुवेतमा एनआरएनएद्वारा निःशुल्क स्वास्थ्य शिविर


गैरआवासीय नेपाली संघ, राष्ट्रिय समन्वय परिषद् (एनआरएनए) बद्री पक्षले आफ्नो पदस्थापनको पहिलो त्रैमासिकमै प्रचारमुखी गतिविधिभन्दा प्रभावकारी र श्रमिकमैत्री कार्यक्रमहरू सञ्चालनमा जोड दिएको छ।

कार्यकालको सुरुवाती चरणमै वास्तविक प्रवासी नेपालीहरूको आवश्यकता सम्बोधन गर्ने उद्देश्यका साथ व्यावहारिक कामलाई प्राथमिकता दिएको समूहले जनाएको छ।

त्यसैअनुसार, एनआरएनए राष्ट्रिय समन्वय परिषद्, कुवेतले भिभा क्लिनिक (VIVA Clinic) कुवेतको सहकार्यमा निःशुल्क स्वास्थ्य शिविर आयोजना गर्ने भएको छ।

कार्यक्रम अक्टोबर १०, २०२५ (शुक्रबार) का दिन बिहान ७ बजेदेखि राति ९ बजेसम्म कुवेतको मङ्गाफस्थित भिभा क्लिनिकमा सञ्चालन हुनेछ।

शिविरमा सहभागी हुने सबै नेपाली नागरिकलाई निःशुल्क स्वास्थ्य परामर्श र आवश्यक औषधि उपलब्ध गराइनेछ। साथै, आधारभूत स्वास्थ्य परीक्षण, दाँत परीक्षण र आँखाको परीक्षणलगायत सेवा पनि प्रदान गरिने जनाइएको छ।

एनआरएनएले कुवेतमा रहेका सम्पूर्ण नेपाली नागरिक, विभिन्न संघसंस्थाका प्रतिनिधि तथा अध्यक्षहरूलाई निर्धारित समयमा उपस्थित भई स्वास्थ्य परीक्षणमा सहभागी हुन आग्रह गरेको छ।

समूहले यस अभियानमार्फत कुवेतमा कार्यरत नेपाली समुदायबीच स्वास्थ्य सचेतना बढाउने र दीर्घकालीन स्वास्थ्य सुरक्षामा सहयोग पुर्‍याउने उद्देश्य लिएको जनाएको छ।

भिभा क्लिनिक कुवेतकै एक लोकप्रिय र विश्वासिलो स्वास्थ्य संस्था हो, जसले लामो समयदेखि गुणस्तरीय स्वास्थ्य सेवा प्रदान गर्दै आएको छ।


सम्बन्धित शीर्षकहरु

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

काभ्रे, मंसिर ३। काभ्रे जिल्लाको एक रिसोर्टबाट ३५ जापानीसहित ४० जना विदेशी नागरिकलाई प्रहरीले नियन्त्रणमा लिएको छ। दुई दिनभित्र काभ्रेका…

ढाका, नोभेम्बर १९। बंगलादेशमा पूर्वप्रधानमन्त्री शेख हसिनाको स्वदेश फिर्तीको विषयलाई लिएर राजनीतिक तनाव चुलिएको छ। हसिनाको पार्टी अवामी लिगका समर्थकहरू…

प्रतिकृयाहरू
...