अविरल वर्षाका कारण देशभर वर्षा र बाढीले जनजीवन प्रभावित बनाएको छ । गत दुई दिनमा मात्रै १४ जनाको मृत्यु भएको गृह मन्त्रालयले आइतवार बिहान सार्वजनिक गरेको विवरणमा जनाइएको छ । मनसुन शुरू भए यता चार सय भन्दा धेरै विपद्का घटना भएका छन् भने ६२ जनाको मृत्यु र ४ जना बेपत्ता भएका छन् ।
यतिखेर देशैभरि नदी तथा खोलाहरूमा पानीको सतह बढेर “उच्च जोखिम”को अवस्थामा पुगेको छ। बाढी र पहिरोका कारण देशभर २७ वटा सडक खण्ड अवरुद्ध बनेका छन् ।
यस वर्ष विपद्जन्य घटनाले अहिलेसमम ६१ जिल्लालाइ प्रभावित पारेको छ भने ८ करोड बन्दा बढिको क्षति भएको सरकारी विवरणमा जनाइएको छ ।
जल तथा मौसम विज्ञान विभागले गत सातादेखि जारी मनसुनी वर्षा अझै केही दिनसम्म कायम रहने तर सोमवारदेखि पानी पर्ने क्रम कम हुँदै जाने जनाएको छ भने विभागले नदी तटीय क्षेत्रहरूमा विशेष सतर्कता अपनाउन स्थानीयवासीहरूलाई आग्रह गरेको छ ।
