Saturday 21st November 2026

जन-सम्पर्क समिति कुवेतले १२औं वार्षिकोत्सब तथा ११०औं वीपी जयन्ती १ सेप्टेम्बरमा मनाउँदै


नेपाली जन-सम्पर्क समिति कुवेतले १२ औं वार्षिकोत्सब तथा ११० औं वीपी जयन्ती आगामी १ सेप्टेम्बर २०२३ मा मनाउने भएको छ । जन सम्पर्क समितिका महामन्त्री केशर घलानाले कुवेतको मङ्गाफस्थित मेमोरी हलमा एक कार्यक्रमको आयोजना गरी मनाउन लागिएको मिडियालाइ जानकारी दिए।

कुवेत र नेपालबीच मैत्रीपूर्ण सम्बन्धबाट कुवेतमा रोजगारी एवं अन्य पेशा व्यवसाय गरी बसोबास गरिरहेका सम्पूर्ण नेपालीहरूलाई नेपाली कांग्रेसको मूल नारा “राष्ट्रियता, लोकतन्त्र र समाजवाद”मा आवद्द गराइ नेपाल-कुवेत असल सम्बन्धलाई अझ मजबुत बनाउँदै कुवेतवासी नेपालीहरुमा व्यक्तिगत तथा सामुहिक हितका लागि सन् २०११ मा स्थापना भएको नेपाली जनसम्पर्क समिति कुवेतले आफ्नो १२औं वार्षिकोत्सब र ११०औं वीपी जयन्तीको अवसर पारेर उक्त कार्यक्रम गर्न लागेको समितिले बताएको छ।

उक्त कार्यक्रममा नेपाली राजदूतावास कुवेतका महामहिम राजदूतको प्रमुख आतिथ्यता र कुवेतस्थित क्रियाशिल विभिन्न संघसंस्थाका पदाधिकारी तथा प्रतिनिधिहरुको विशेष उपस्थिति रहने बताइएको छ।

कार्यक्रममा कुवेतमा कार्यरत सबैलाइ उपस्थितिका लागि अगृम निमन्त्रणा गर्दै उक्त दिन अन्य संघसंस्थाहरुले कार्यक्रम नजुधाइदिनुहुन पनि विनम्र अनुरोध गरिएको छ भने कार्यक्रम सम्पन्न गर्नाको लागि अन्तिम तयारी भैईरहेको समितिले बताएको छ।

कार्यक्रमको विवरण:-
मिति : २०२३ सेप्टेम्बर १ तारिख शुक्रबार।
समय : १२ बजे
स्थान : मेमोरी हल मङ्गाफ।
आयोजक : नेपाली जनसम्पर्क समिति, कुवेत।


सम्बन्धित शीर्षकहरु

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

काभ्रे, मंसिर ३। काभ्रे जिल्लाको एक रिसोर्टबाट ३५ जापानीसहित ४० जना विदेशी नागरिकलाई प्रहरीले नियन्त्रणमा लिएको छ। दुई दिनभित्र काभ्रेका…

प्रतिकृयाहरू
...