एमसीसीको बिषयलाई निष्कर्षमा पुर्याउन बसेको सत्तागठबन्धनको बैठक विना निष्कर्ष सम्पन्न भएको छ । प्रधानमन्त्री निवास बालुवाटारमा बसेको बैठक निष्कर्षबिहीन भएको हो । मुलुककमा विकसित राजनीतिक घटनाक्रमका विषयमा गम्भीरतापूर्वक छलफल भएपनि सहमति अझै जुट्न सकेन तर एमसीसीलाई कसरी निष्कर्षमा पुर्याउने भन्नेबारे गम्भीरतापूर्वक छलफल भएको सञ्चारमन्त्री ज्ञानेन्द्र बहादुर कार्कीले बैठकपछि जानकारी दिएका छन ।
पुन भोलि १० बजे बैठक बसेर सहमति जुटाउन प्रयास गरिने मंत्री कार्कीले बताउदै सत्ता गठबन्धनका ५ दलमध्ये ४ दल सरकारमा रहेको उल्लेख गर्दै गठबन्धन भित्र फरक फरक विचार भएकाले एमसीसीको विषयमा सहमति जुटाउन प्रयासरत रहेको पनि बताए । सरकार सार्वभौम संसदबाट एमसीसी पारित गर्न लागिपर्ने र त्यसतर्फ छलफल केन्द्रीत रहेको पनि उनले बताए । पाँच दलीय गठबन्धनमा नेपाली कांग्रेस, माओबादी केन्द्र, एकीकृत समाजबादी र जसपा सरकारमा सामेल छ भने रास्ट्रीय जनमोर्चाले सरकारमा सामेल छैन ।सत्ता गठबन्धनका कांग्रेस खुलेर एमसीसीको पक्षमा देखिएपनि अन्य दल माओबादी केन्द्र, समाजबादी र रास्ट्रीय जनमोर्चा खुलेर बिरोधमा छन् भने जसपाका नेता बाबुराम भट्टराई पक्षिय खुलेर समर्थन गरे पनि उपेन्द्र यादव पक्ष मौन रहेका छन भने उता प्रमुख प्रतिपक्ष् एमाले पर्ख र हेरको अवस्थमा रहेको देखिन्छ ।
