Saturday 21st November 2026

कुवेतमा पहिलो पटक नेपालीबाट ठुलो संख्यामा नर्सहरु ल्याइदै


तीतोपाटी डटकम-कुवेतमा पहिलो पटक ठुलो संख्यामा नेपाली नर्स र अन्य स्वास्थ्यकर्मीहरु ल्याइने भएको छ।उनिहरुले कुवेतको स्वास्थ्य मन्त्रालयका मातहातका रहेका सरकारी अस्पातलहरुमा काम गर्ने छन।

नेपालको एक मेनपावरले नोभेम्बर २४ तारिक कुवेतको स्वास्थ्य मन्त्रालयको प्रतिनिधिले परिक्षा लिने भन्दै ३०९ जना महिला र २०८ जना पुरुष नर्सको आवश्यकता रहेको बिज्ञापन छापेको छ। साथै डेन्टल नर्स ४२ जना,डेन्टल टेक्निसियन २० जना, हाइजिनिस्ट ६२ जना र डेन्टल एक्सरे ७ जना लगिने उक्त बिज्ञापनमा उल्लेख गरिएको छ।उनिहरुलाई बस्ने खाने सुबिधा कम्पनीलेनै उपलब्ध गराउने छ।हप्ताको ६ दिन र दैनिक ८ घण्टा काम लगाउने र भिस अनी हावाइ टिकट कम्पनीलेनै बेहोर्ने बताइएको छ।सेवा शुल्क पनि १० हजार नेपाली रुपैया मात्र तोकिएको छ।

नेपाली राजदूताबास कुवेतका श्रमचारी हेम कुमार अधिकारी भन्छन’ कुवेतमा स्वास्थ्य क्षेत्रमा यसरी अधिकारिक रुपमा अहिले सम्म स्वास्थ्यकर्मीहरुलाई ल्याइएको थिएन।हामीले निरन्तर प्रयास गरे पछी नर्स तथा अन्य स्वास्थ्यकर्मीहरु कुवेतको स्वास्थ्य मन्त्रालय अन्तर्गत काम गर्ने गरी ल्याउने सहमती भएको हो। उनिहरुले पाउने सेवा सुबिधा पनि राम्रो छ। हाम्रो नियमित प्रयास सधैं सके सम्म सुरक्षित रोजगारिका साथ दक्ष कामदारहरु भित्र्याउने हुनेछ।’

नेपाल नर्सिङ काउन्सिलकी रजिस्टार बिन्दा घिमिरे भने यसरी कुवेतमा स्वास्थ्यकर्मीहरु बिशेष गरी नर्सहरुको माग गरिएकोबारे आफुहरुलाई कुनै जानकारी नभएको बताउछिन।घिमिरे भन्छिन ‘यूरोपका देशहरु लगाएत अमेरिका, अमेरिका, क्यानडा, अस्ट्रेलियामा ब्यक्तिगत प्रयासबाट जाने धेरै छन, हामीले त्यहा पढ्न जानेहरुलाई नर्सिङ लाइसेन्समा भएको जानकारी अनुसारको कागजात पनि उपलब्ध गराउछौ।तर श्रम गरेर काम गर्नेगरी यसरी जानेहरुको हकमा हाम्रो कुनै जिम्मेवारी हुँदैन।’

नेपाल नर्सिङ काउन्सिलकी सुचना अधिकारी रेखा अधिकारीका अनुसार बिस २०५३ साल देखी हालसम्म काउन्सिलमा दर्ता हुने नर्सको संख्या ६७ हजार २२ जना रहेका छन। जसमा पुरुष नर्सको संख्या १५१ जना मात्र रहेका छन।


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...