Sunday 22nd November 2026

कुवेतमा नुवाकोटका कश्येप लम्सालको उच्च रक्तचापका कारण मृत्‍यु


हरी कृष्ण न्यौपाने- कुबेतमा पुन एक नेपालीको निधन भएको छ। सूर्यगढी गाँउ पालिका-४, दार्मे गाउँ नुवाकोट घर भई कुवेतमा कार्यरत ३९ बर्षिया कश्येप लम्सालको मृत्‍यु भएको छ।उच्च रक्तचापका कारण मुबारक अल कबिर अस्पतालमा मार्च २१ तारिक,२०२१ का दिन भर्ना गरिएका लम्सालको अप्रिल २८,२०२१ बुधवारका दिन उपचारकै क्रममा मृत्‍यु भएको हो।

मृतका दाई रमेश लम्सालले तितोपाटी डटकमसंग भने”भाई  कश्येपलाई उक्त रक्तचापका कारण बसेकै ठाउँमा ढले पछी मार्च २१ तारिक मुबारक अल कबिर अस्पातल पुर्याइएको थियो।उनको स्वास्थ्यमा सुधार हुँदै थियो।उक्त रक्तचापको कारण एउटा खुट्टा चल्दैनथ्यो तर अरु सबै ठीक थियो।२-३ दिन देखी भाई संग संपर्क भएको थिएन तर एक्कासी उसको मृत्‍यु भएको खबरले हामी सबै परिवार स्तब्ध छौं।भाईको श्रीमती, १ छोरा र ३ छोरीहरु छन।उनिहरु लगाएत सबै परिवार धेरै शोकमा छौं।भाईको शब छिट्टै ल्याएर अन्त्येष्टी गराउन सहयोग गरिदिनु होला।”

नेपाली राजादूतबास कुवेतका दितिय सचिब श्रीकृष्ण सिलवालले भने”कश्येप लम्सालको मृत्‍युको बारे ढिलो गरेर दुताबासमा जानकारी आएको छ।उनको कम्पनी संग पनि संपर्क भैसकेको छ।कम्पनी र मृतको परिवार बिच समन्वय गरेर हामीले सके सम्म शब छिट्टै पठाउने प्रकृया शुरु गरिसकेका छौ।राहदानी नंम्बर-०७९१६४२६ का कश्येप एक फुड कम्पनीमा बाईक डेलिभरी ब्वाइको रुपमा काम गर्न सन २०१५ मेईमा कुवेत आएका थिए।


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...