कतै तिमीले बिर्सिदियौ कि मानवताका कर्तव्यहरु,
कतै तिमीले बिर्सिदियौ कि बा-आमाको मीठो सपनाहरु ।
चिनाउनु छ तिमीले सगरमाथाको देश नेपाल भनेर,
लेखाउनु छ नाम इतिहासमा तिमीले अमर बनेर ।
कतै तिमी लट्ठी बस्यौ कि तिलश्मिको जालोमा,
कतै तिमी भुलिगयौ कि क्षणिक सपनाको जालोमा ।
देखाउनु छ तिमीले नेपाली वीर सपूत बनेर,
सिंगार्नुछ तिमीले नेपाललाई मातृभूमि भनेर ।
कतै तिमी अल्झिबस्यौ कि रङ्गिचङ्गि फूलहरुमा,
कतै तिमी रमाइबस्यौ कि अथाह नशालु आनन्दमा ।
-इन्द्र बोन्तावा ‘देवा’
कटुन्जे, भोजपुर
हालः महरूभूमिको देश कुवेत ।
