तितोपाटी- कुवेतमा कार्यरत नेपालीहरुलाई कोरोना सङ्क्रमबाट सचेत रहन नेपाल पत्रकार महासंघ वैदेशिक शाखा कुवेतले “हार्दिक अनुरोध” गर्दै एक प्रेस विज्ञप्ति जारी गरेको छ । अध्यक्ष नबराज पन्थी र सचिव चन्द्र बहादुर गोतामेद्वारा हस्ताक्षरित उक्त बिज्ञप्तिमा पछिल्लो समय कोरोनाको संक्रमण दिनानुदिन बढिरहेको छ । कुवेतमा कार्यरत नेपालीहरुमा पनि कोरोना भाईरसको सङ्क्रमण अत्याधिक मात्रमा फैलिएको जानकारी प्राप्त भएकोले सतर्कता अपनाउन पनि अनुरोध गरेको छ ।
कुवेतमा अत्याधिक मात्रमा फैलिरहेको कोरोना सङ्क्रमण नियन्त्रणकै लागि सरकारले कर्फ्यू आदेश जारी, रेस्टुरेन्ट, सार्वजनिक स्थलमा भीडभाड, पसल तथा शपिङ मलहरुमा सुरक्षाको हिसाबले कडाइ गरिरहेको छ ।यो हप्ता मात्रै कोरोना भाईरस (कोभिड-१९) का कारण तिन जना नेपालीहरुले ज्यान गुमाएको समाचार सार्वजनिक भएका छन ।
कुबेत सरकारले निर्देशन गरेको मापदण्डलाई पुर्णरुपमा पालना गर्दै सचेत रहन र आफ्नो स्वास्थ्यको ख्याल गर्न पनि अनुरोध गरेको छ । साथै अहिले मौसम परिवर्तनको समय भए पनि अस्वस्थ महसुस भएमा तुरुन्त अस्पताल गएर स्वास्थ्य परिक्षण गर्ने र मौसम परिवर्तनको समय हो भनेर बिरामि हुदा पनि यसलाई सामान्य रुपमा लिदा स्वास्थ्यमा ठुलो समस्या आउन सक्ने छ । कतिपयले सामान्य रुपमा लिएर हेलचेक्य्राइँ गरेको कारण केही नेपालिहरु निक्कै गम्भीर स्थितिमा पुगेको जनाएको छ । सभा समारोह, भीडभाड, जमघट नगरी सबै जना आ-आफ्नो स्थानमा सुरक्षित साथ रहनुहुन समेत पत्रकार महासंघ वैदेशिक, कुवेतले अनुरोध गरेको छ ।
