खुसीको त्यो बहार बोकी,नव वर्ष आउ तिमी ।
नेपालीको घर घरमा, हर्ष उल्लास छाउ तिमी ।
भ्रष्टाचार, हत्या, हिंसा,शोषण,बलात्कार जस्तो,
कुरिती र कुसंस्कार,एक एक गरि हटाउ तिमी।
नेपाल आमाको छाती यहाँ क्षियाक्षिया बनाएर,
अनेकौं ती बहानामा कोलाहल नमच्चाउ तिमी ।
दिनका दिन बढिरा’को प्राकृतिक ति बिपत्ति र,
रोग,ब्याधी,महामारी बाट यो देश जोगाउ तिमी ।
समृद्ध राष्ट्र निर्माणको खातिरमा सबै जना,
एकीकृत गर्दै अघि बढ्न झक्झक्याउ तिमी ।
*********
प्रतिमा शिवाकोटी
कालिन्चोक गा.पा – ८, सुनखानी दोलखा,
बागमती प्रदेश ।
