Sunday 22nd November 2026

कविता “नयाँ वर्ष” -हरि शर्मा (सुवेदी)


कविता “नयाँ वर्ष” छ्न्द: शार्दूलविक्रीडित

कोसेली करमा लिएर घरमा आयो नयाँवर्षले
उत्कण्ठा मनका हटेर मनमा एकाग्रता हर्षले
पुन्यात्मा जनता उदार मनले निर्बाध पद्मासन
गर्नेछ्न् उनले नवीन पदमा आरम्भ आरोहण ।

ज्यादा संकटमा परी मुलुकले गर्दैछ संबोधन
देवात्मा मनका जुटेर जनता सद्भाव देऊ यहाँ
मान्छेमा झगडा विवाद नभई हट्नेछ मनोद्बेग
देखेका सपना गरीब जनका साकार सम्पादन ।

राख्नेछ्न् जनता पवित्र मनका सन्तोष एकाग्रता
गर्नेछ्न् उनले विचार मनमा सम्मान आयोजक
नेताको भरमा कदापि नबसी उद्योग उत्पादक
अर्काको मतमा कटाक्ष नगरी आक्षेप आरोपण ।

आफूको मनमा विचार दरिलो उद्देश्य एकात्मता
राख्दमा जनको हुँदैन मनमा अन्योल सम्भाव्यता
उद्योगी मनुवा कमाइ उनको उद्योग उद्घाटन
गर्नेछ्न् उनले अथाह खुशिमा आमोद उत्पादन ।

सारा सर्जकले लडाइँ नगरी साहित्य संचालक
छाडी सब राजनीति नटुवा आख्यान सांसर्गिक
राख्नेछ्न् उनले उदार मनमा उत्साह संजीवनी
बन्नेछिन् कविता उदार सरिता राम्री सुभाषिणी ।

-हरि शर्मा (सुवेदी)- गलकोटे कवि
मिशिगन, अमेरिका 


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...