तिम्रो जित मेरो हार भित्र ढल्यो जिन्दगानी ,
तिम्रै सामु ज्युँदो लाश भइ जल्यो जिन्दगानी ।
आफ्नै मान्छे ठानि यहाँ कति धेरै बिश्वास गरें,
केले होला तिमी बाट छल्नु छल्यो जिन्दगानी ।
महिना हप्ता साता दिन घन्टा मिनेट सेकेन्ड बनी,
यहाँ घडीको त्यो सुई सरि चल्यो जिन्दगानी ।
चौतारीको बसाई छ वरपिपलको छहारीमा
न त घाम न उकालो उसै गल्यो जिन्दगानी ।
मनको पाखा पखेरीमा, तृष्णाले रोपेका ती
अमृतको बोटमा विष जस्तै फल्यो जिन्दगानी ।
-प्रतिमा शिवाकोटी
कालिन्चोक गा. पा ८ ,सुनखानी दोलखा।
बागमती प्रदेश ।
