गजल
तिमीसँगै बर्खे खोला तर्न मन लाग्यो ।
डुबी हाले एकै साथ मर्न मन लाग्यो ।।
किन बाँझो राख्यौ प्रिय तिम्रो दिलको बारी
बाँझो दिलमै प्रेमको बिज छर्न मन लाग्यो ।
जति वर आउँछु तिमी उति पर जान्छौ
नजिक सरी दिलको बात गर्न मन लाग्यो ।
हात समाई गरेको हो उकालीको यात्रा
ओराली नि त्यसै गरी झर्न मन लाग्यो ।
पर्खी बसेँ बाजा बजाई लिन आउँछ भनी
बिहे गरी उसकै घर सर्न मन लाग्यो ।
जमुना पौड्याल
विराटनगर-३
