भान्सामा चम्चा कोठामा चम्चा हातमा मुखमा।
गरिमा ठूलो इज्जत ठूलो छिनको छिनमा ।
देशमा चम्चा बिदेश चम्चा चम्चाको महिमा।
नेपाली हामी सारै नै नामी चम्चाको दौडमा ।१।🌷🙏🌺
कसैले घोल्छन सुखमा दारु औषधी दु:खमा।
सुरुप्प सुप पुर्यायो खुब चम्चाले मुखमा।
अस्तिको कुरा सुटुक्क माथि पुर्यायो चम्चाले।
साथीको घाँटी परक्क पारी निमोठ्यो चम्चाले ।२।🌷🙏🌺
आलुको जस्तो सर्वत्र पुग्ने चम्चाको चटक।
जोसँग पनि साखुल्ले बनी देखायो नाटक ।
राजनितिक दल छलको बल चम्चाको आडमा।
प्रशस्त मिल्ने चटके चम्चा तुरुन्त भाडामा ।३।🌷🙏🌺
सुटुक्क गरी छिरेछ चम्चा साहित्य क्षेत्रमा।
लुपुक्क लिटो पुर्याई हाल्यो कविको मुखमा।
चम्चाका नेता बनेका कवि चम्चाको चालमा।
गुलियो मुख बनायो चम्चा नाच्दैछ्न् तालमा ।४।🌷🙏🌺
अमेरिकामा यथेष्ट मिल्छ्न् चम्चाका चटक।
नेपाली चम्चा भान्सामा पुग्छन् पटक-पटक।
अचेल यहाँ बाँदर पनि चम्चाले खाँदैछ।
कोरोना अर्थ लोकमा मान्छे कोठामा बन्द छ ।५।🌷🙏🌺
हरि शर्मा(गलकोटे कवि)
मिशिगन अमेरिका ।🌷🙏🌺
