तितोपाटी -कुबेतमा अर्को नेपाली रेस्टुरेन्ट “मःम हाउस” संचालनमा आएको छ। व्यवसायमा अनुभव संगालेका जोसिला युवाहरु अमृत तामाङ्ग, सन्तोष तामाङ्ग र सुमन लिम्बुको संयुक्त लगानीमा फर्वानियाको मुटु मै संचालनमा ल्याईएको उक्त मःम हाउसको एक कार्यक्रम बीच कुबेतका लागि नेपाली राजदूत दुर्गा प्रसाद भण्डारीले उद्घाटन गर्नु भएको छ ।
फर्वानिया स्थित अल अराबेट प्लाजाको ग्रान्ड हाईपर सुपर मार्केट भित्रको ग्राउन्ड फ्लोरमा “मम हाउस” संचालन गरिएको छ । बिभिन्न स्वादका मःम का साथै नेपाली परिकारले समेत भरपूर्ण स्वाद लिन पाइने फर्वानिया सेरोफेरोमा रहेका नेपाली समुदाय सबैलाई पायक पर्ने अनुमान गरिएको छ ।
मःम हाउस उद्घाटन कार्यक्रममा राजदूत भण्डारी, एनआरएनए कुवेतका अध्यक्ष सुजन केसी, आईसीसी संयोजक अमीत चाम्लिङ राइ लगयात नेपाली संघ सस्थाका प्रतिनिधी पत्रकार लगायतको उपस्थिती रहेको थियो ।
पछिल्लो पटक नेपालीहरुको लागि वैदेशिक रोजगारीको केन्द्र बिन्दु मानिएको कुवेतका बिभिन्न शहरमा नेपालीहरुले ब्यबसायीक रुपमा रेस्टुरेन्ट संचालन गर्दै आएका छन ।
हेरौ नयाँ संचालनमा आएको नेपाली रेस्टुरेन्ट “म म हाउस” उद्घाटन कार्यक्रमका केहि तस्बिरहरु
तस्बिर-अमृत तामाङ्ग
