गजल
सुन्दर हाम्रो पाल्पाली गाउँ आएर हेर्नू है ।
सलल बग्ने त्यो चिसो पानी खाएर हेर्नू है ।।
श्रीनगर डाँडा कुहु कुहु कोइलीको स्वरमा
स्वरैमा मिलाई सुरिलो भाका गाएर हेर्नू है ।
घन्किन्छ जब डम्फू र मादल साँल्दाइको आँगन,
बारुले कम्मर एकचोटि मर्-काएर हेर्नू है ।
सुस्केरा हाली त्यो सल्लाघारी तिमीलाई बोलाउँदा,
रानीघाट आई पिरती तिमी लाएर हेर्नू है ।
कुहिराको घुम्टो ओढेर मैले पर्खेर बस्नेछु,
पन्छाउँदै आई माडीको फाँटमा छाएर हेर्नू है ।
-शोभा कडरिया, कोइराला
माथागढी – २ रूप्से पाल्पा
