कुन्नि खै के भयो घात नै घात यो
चोकमा गल्लिमा धूर्तता दुष्टको
एकता, सभ्यता,,शुध्दता मान्यता
दक्षता उच्चता मित्रता छन् कता ? ।१।🌷🙏🌺
भावना कामना प्रार्थना अर्चना
ध्यानमा ज्ञानमा छैन खै साधना
अग्रता नम्रता तर्कना सम्झना
शूरता बीरता गुप्त छन् देशमा ।२।🌷🙏🌺
दुष्टता, तुच्छ्ता, छुद्रता, मस्त छन्
लोकमा मानवी रूपमा बस्दछन्
शक्तिको खोजमा चोकमा लुक्दछन्
मित्रको साथमा शत्रुता जोड्दछन् ।३।🌷🙏🌺
दुष्टले एकता स्वार्थमा गर्दछन्
स्वार्थको खेलमा झेलले जित्दछन्
जित्नुको होडमा दौडमा पस्दछन्
धाँधली गर्नमा पारखी बन्दछन् ।४।🌷🙏🌺
एकता शान्तिको खोजमा भव्य होस्
जिन्दगी शान्तिको साथमा सभ्य होस्
मानवी भावना लोकमा फैलियोस्
दानवी, आसुरी भावको अन्त्य होस् ५।🌷🙏🌺
धन्यवाद 🌷🙏🌺
हरि शर्मा (गलकोटे कवि)
मिशिगन,अमेरिका । 🌷🙏🌺
