गहिरो चोट माथि नुन-चुक छर्दा कस्तो होला ।
बिछोडको वेदना ले हरपल मर्दा कस्तो होला ।।
ठंडा दिमागले सोचि हेर रिसको आवेग छोड
स्वार्थी बनि निस्फिक्री घात गर्दा कस्तो होला ।
सम्झिएर अत्यास लाग्छ अनुभुति गर्नै गाह्रो
प्रेमको यो महासागर एक्लै तर्दा कस्तो होला ।
संगालेर स्वर्णिम यात्रा रमाई रहेको क्षणमा
सपनाको संसारबाट झ्वाट्ट झर्दा कस्तो होला ।
बेसाहारा हुँदा तिमी दिलमा जस्ले बास दियो
उसैलाई सुईंको नदिई डेरा सर्दा कस्तो होला ।
-राम भण्डारी
सिन्धुपाल्चोक
हालः काठमाडाैं ।
