हिजोआज सरकारको निको छैन चाल यहाँ ।
रमाउदै हिड्न थालेको छ दिनदिनै काल यहाँ ।।
समयमै इलाज नपाई लासको संख्या बढेपछि
कसरी ठिक हुन्छ र खै जनताको हाल यहाँ ।
प्राकृतिक प्रकोप,सामाजिक विकृति,महामारीले
पिल्सिएर बाँच्नु परेको छ प्रत्येक साल यहाँ ।
नेता चुनावको बेला मिठो भाषण छाँट्दै लोभ्याउने
लट्ठै लोभिने जनता कसैको राम्रो छैन ताल यहाँ ।
हरेक तह र तप्कै पिच्छे बढेको भ्रष्टाचारलाई
लुकाउन रच्दैछन् अनेकथरी जाल यहाँ ।
धर्मिला कार्की
महाराजगञ्ज, काठमाडौँ
