१
सल्बलाए फेरि पनि झुटको खेती लाउनेहरु ।
चल्मलाए ठगि गर्दै लुटको खेती लाउनेहरु ।
झनै चाम्रो हुने रैछन जति ठक्कर खाएपनि
आएन किन चेतना गुटको खेती लाउनेहरु ।
२
रहेनन् कोहि पनि पिर ताप देखि डराउने ।
लाग्दा मुखमा कालो छाप देखि डराउने ।
लालायित हुदैगए लोभ,मोहमा मानवहरु
भएनन् कोहि जगतमा पाप देखि डराउने ।
३
हुल बाँधेर नेताहरु गाउँ पस्ने भए अब ।
नयाँ जोगीले झैं खरानी घस्ने भए अब ।
चर्को चिल्ला भाषण छाँट्दै गाउँ गाउँ
भोटको लागि लम्पट नै कस्ने भए अब ।
-राम भण्डारी
सिन्धुपाल्चोक
हालः काठमाडाैं ।
