तीतोपाटी – नेपालमा पछिल्लो २४ घण्टामा जम्मा ७३६ जना कोरोना संक्रमित पुष्टि भएका छन् । स्वास्थ्य तथा जनसंख्या मन्त्रालयका अनुसार ५५५५ जनाको परीक्षण गर्दा ७३६ जनामा संक्रमण पुष्टि भएको हो । योसँगै नेपालमा कोरोना भाइरस संक्रमितको कुल संख्या २ लाख ५० हजार ९१६ पुगेको छ ।
पछिल्लो २४ घण्टामा कोरोना भाइरस संक्रमणमुक्त हुनेको संख्या ८४७ रहेको छ । हालसम्म संक्रमणमुक्त हुनेको संख्या २ लाख ३८ हजार ५६९ रहेको छ । हाल नेपालमा कोरोना भाइरसको सक्रिय संक्रमित संख्या ९७५७ रहेको छ ।
मन्त्रालयका अनुसार पछिल्लो २४ घण्टामा कोरोना भाइरस संक्रमणका कारण १३ जनाको मृत्यु भएको छ । हालसम्म मृत्यु हुनेको संख्या १७४३ पुगेको छ ।
अहिलेसम्म विश्वभर ७ करोड ३९ लाख ३६ हजार भन्दा बढि मानिसहरूमा कोरोना संक्रमण देखिएको छ भने त्यस मध्येमा ५ करोड १९ लाख ४७ हजार भन्दा बढिले स्वास्थ्य लाभ गरेका छन् । अहिले सम्म कोरोना संक्रमणको कारण १६ लाख ४४ हजार भन्दा बढि मानिसको ज्यान गइसकेको छ ।
