बोल्दैछ नेपाल तिहार आज
सन्तोष आनन्द जहान साथ
विचित्र उन्माद जुटेर मान्दा
आफन्त भेटेर मिलेर खाँदा ।१। 🌷🙏🌺
दिदी र बैनी घरमा उदाए
अनेक मिष्टान्न लिएर आए
निधार चुम्दैछ दयालु हात
मायालु बोली र प्रसाद साथ ।२। 🌷🙏🌺
सद्भाव सत्कार प्रशस्त देखेँ
निधार छाम्दै म बसेर लेखेँ
आघात सन्त्रास कुभाव छैन
निश्चिन्त विष्मात कदापि हैन ।३। 🌷🙏🌺
सन्देश फैलेर कुभाव जाओस्
सम्बन्ध जीवन्त बनेर बाँचोस्
बसेछु टाढा म बिहान ऐले
थाप्नेछु टीका त टुपुक्क मैले ।४। 🌷🙏🌺
रमेर मानौँ छ तिहार सामु
ठुलो र सानो सब एक जानौँ
विषाणु जीवाणु चिनेर रोकौँ
आजन्म निशिन्त भएर बाँचौ ।५। 🌷🙏🌺
हरि शर्मा
मिशिगन, अमेरिका ।🌷🙏🌺
