विश्वभरी आज भोलि कोरोनाको सास्ती।
नेपालमा तिहारको रौनक छ अति।
कताबाट भ्यागुताको ह्वात्तै संख्या बढ्यो।
राजनीति समेटेर साहित्यमा चढ्यो ।१।🌷🙏🌺
कविहरु बेहाल छन् खुट्टा तानिएर।
अघि जान लाग्दाखेरि छिर्की हानिएर।
अघि जान्छु भनिकन यसो मुन्टो तान्छ्न्।
पत्तो नपाई खुट्टा तान्दा कान्ला मुनि जान्छन् ।२।🌷🙏🌺
नारी कवि अलि बढी तानिनेमा परे।
कोही कतै लजाउने डराउने गरे।
तर्साएर धम्काएर नारीलाई लुटे।
बाध्यताले नारी कवि त्यतैतिर जुटे ।३।🌷🙏🌺
खुट्टा तान्न पल्केका भ्यागुताका जाति।
कोही ठुला कोही साना रुप नानाभाँती ।
योग्यता र दक्षताको आधारमा जुटी।
जसो तसो गरिकन खुट्टा तान्छन् अति ।४।🌷🙏🌺
जन्मजात पाएको त्यो खुट्टा तान्ने सिप।
बेला बेला काम लाग्छ भन्दै डुल्छन खुब।
कुनै बेला भ्यागुताको खुबै राज थियो।
कताबाट कुन्नि कसले मुल थुनिदियो।५।🌷🙏🌺
आफ्नो कुवा सुख्खा भयो पानी बग्न छाड्यो।
त्यसो हुँदा भ्यागुताले डुल्दै हिड्नु पर्यो ।
कुवा हेर्ने पोथी चाहिँ फुल पार्न व्यस्त।
फुच्चा फुच्ची चेपा गाँडा डुल्छन यता उता।६।🌷🙏🌺
छिमेकिका कुवातिर डुल्दै हिँड्न लागे।
यस्तो देख्दा कोही कतै डराएर भागे ।
भ्यागुताको सामिप्यमा हिँड्दै थियो साने ।
सबैजना यसैले पो हो कि भन्ने ठानें ।७।🌷🙏🌺
जस्तो देख्यो तस्तै बोल्ने सानेको त्यो बानी ।
यो बानीले धेरैलाई पिर पर्न जाने ।
अगुल्टाले हिर्काएर चम्किएको साने।
उसैको नै भ्यागुताले धेरै खुट्टा ताने।८।🌷🙏🌺
हरि शर्मा
मिशिगन, अमेरिका । 🌷🙏🌺
