घटे छालमा उद्वेग पानीको बिस्तारै बिस्तारै ।
ढले सबै उन्माद जवानीको बिस्तारै बिस्तारै ।।
घुम्दैछन् वरिपरी दृष्य आफ्नै नजर अगाडी
जलेर स्वप्न रास खरानीको बिस्तारै बिस्तारै ।।
समय को रफ्तार भन्दा केहि ढिलै भएपनि
बुझिदै हकिकत कहानीको बिस्तारै बिस्तारै ।।
सत्य,असत्य माथि ढाकछोप न टिके सरी
खुले रहस्य तिम्रो बानीको बिस्तारै बिस्तारै ।।
यो जिवनको उत्तरार्धमा पश्चाताप गरि गरि
हुँदैछ लेखाजोखा हानीको बिस्तारै बिस्तारै ।।
-राम भण्डारी
सिन्धुपाल्चोक, हाल काठमाडाैं
