यहाँहरु सबैलाई अबगत नै होला लोक छन्दमा उच्चारणको आधारमा अक्षर गणना गर्ने छुट छ ।
३+२+३+२+३+३
गलकोटे आमा गलकोटे बाबा गलकोटे छोरो यो।
गलकोटे हावा गलकोटे पानी खाएर हुर्केको ।
गलकोटे नानी मायाकी खानी साथमा खेलेको।
गलकोटे चित्र मुटुको भित्र कुनामा कुँदेको ।१। 🌷🙏🌺
गलकोटे पाखा सालेजो भाका गाएर नाचेको।
गलकोटे चेली गाएको बेला कम्मर भाँचेको।
गलकोटे कोट खड्गको पूजा दशैँमा गरेको।
गलकोटे बाजा कालिका थान कोटमा बजेको ।२। 🌷🙏🌺
गलकोटे बोली फागुमा होली खै के के बोलेको।
गलकोटे चेली साथमा हुँदा अफ्ठ्यारो परेको।
गलकोटे डाँडा पहाड घुम्टे जेठाजु बुहारी।
गलकोटे अर्को पहाड गाजा घुम्टेको जुहारी ।३। 🌷🙏🌺
गलकोटे गित लोकको भाका धेरैले जानेका।
गलकोटे गायक सर्वत्र देख्छु खुशीले गाएका।
गलकोटमै बसन्त ल्याउने सपुत जन्मिए।
गलकोटमै देव र देवी थानमा पुजिए।४। 🌷🙏🌺
गलकोटे कृष्ण, गलकोटे बिष्णु, गलकोटे रामको।
गलकोटे सीता पार्वती देवी माता र पिताको।
गलकोटे दुर्गा घुम्टेका सिध्द सबैले पुजेको।
गलकोटे देव देवीको बास हरिको साथको ।५। 🌷🙏🌺
हरि शर्मा(गलकोटे कवि)
मिशिगन, अमेरिका । 🌷🙏🌺
