तीतोपाटी – कोरोना महामारीका बीचमा विदेशबाट हालसम्म १ लाख २२ हजार बढी नेपाली स्वदेश फर्किएका छन् । कोभिड–१९ संकट व्यवस्थापन केन्द्र (सिसिएमसी)को सोमबारसम्मको तथ्यांकअनुसार १ लाख २२ हजार ५६३ नेपाली हवाइ उडानमार्फत स्वदेश फर्किएका हुन् ।
स्वदेश फर्कनेहरू प्रदेश १ का १५८३२ जना, प्रदेश नं. २ १३५४५ जना, वागमती प्रदेशका का १८८६९ जना, गण्डकी प्रदेशका ९९२५ जना, लुम्बिनी प्रदेशका १२८५५ जना, कर्णाली प्रदेशका १६३५ जना, सुदुरपश्चिम प्रदेशका १८५६ र प्रदेशगत विवरण नखुलेका ४८०४६ जना रहेका छन् ।
सरकारले विदेशमा रोजगारी गुमाएका तथा नेपाल आउनै पर्नेहरुलाई नेपाल आउन दिने गरेको छ । कोरोनाका कारण सरकारले अन्तर्राष्ट्रिय उडान बन्द गरेपछि सुरुमा समस्यामा परेका नेपालीलाई चार्डर उडानमार्फत स्वदेश ल्याएको थियो भने पछिल्लो समय नियमित उडान समेत स्वास्थ्य मापदण्ड पालना गरेर सञ्चालन गर्न दिइएको छ ।
हालसम्म ३२ मुलुकबाट नेपाली फर्किएका छन् भने फर्किनेमध्ये धेरै खाडी मुलुक र मलेसियाबाट रहेका छन् ।
सिसीएमसीको तथ्यांक जस्ताको तस्तैः