Sunday 22nd November 2026

पछिल्लो २४ घण्टामा थप २२२५ जनामा कोरोना संक्रमण, २८४६ निको भए, १३ को मृत्यु


तीतोपाटी – नेपालमा पछिल्लो २४ घण्टामा शनिबार थप २ हजार २ सय २५ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । योसँगै नेपालमा संक्रमितको संख्या १ लाख ५५ हजार २ सय ३३ पुगेको छ । योसँगै देशभर सक्रिय संक्रमितको संख्या ४६ हजार ५७ पुगेको छ ।

त्यस्तै २४ घण्टामा २ हजार ८४६ जना कोरोना संक्रमणबाट निको भएर डिस्चार्ज भएका छन् भने अहिलेसम्म निको हुनेको संख्या १ लाख ८ हजार ३३४ संख्या पुगेको छ । पछिल्लो २४ घण्टामा १३ जनाको मृत्यु भएको छ भने अहिलेसम्म मर्नेको संख्या ८४२ पुगेको छ ।

पछिल्लो २४ घण्टामा जम्मा १३८४६ पीसीआर परीक्षण गरिएको छ भने हालसम्म पीसीआर विधिबाट १३ लाख ८० हजार ८६२ नमुना परीक्षण गरिएका छन् ।हाल क्वारेन्टिनमा ३३२२ जना रहेका छन् ।

कोरोनाको इपिसेन्टरको रूपमा रहेको काठमाडाैं उपत्यकामा पछिल्लो २४ घण्टामा १ हजार १ सय १० जनामा कोरोना संक्रमण पुष्टि भएको छ । संक्रमित हुनेहरू काठमाडौंका ८३२, भक्तपुरका १०२ र ललितपुरका १७६ जना रहेका छन् ।


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...