आश्विन शुक्ल पक्षमा पर्ने दशमी तिथिमा ।
अक्षता अनि जमरा पनि राखेर थालमा ।
पुराई हात अक्षता साथ थुपुक्क निधारमा ।
आशिष लिने बडाले दिने पवित्र विचारमा ।१।🌷🙏🌺
सौभाज्ञशाली प्रतिभाशाली हुनु है भनेको ।
मायाको साथ आशिर्वाद ठुलाले दिएको ।
सम्झँदा पनि आनन्द लाग्ने विशाल चाड यो ।
अहिले वर्ष कोरोना साथ मिलेर आएको ।२।🌷🙏🌺
अहिले साल कोरोना काल बनायो बेहाल ।
कोरोना घर कोरोना बन साहित्य संजाल ।
कोरोना नाम पापी छ काम छाडेन नेपाल ।
दु:खको वर्षा अहिले वर्ष भालुको कपाल ।३।🌷🙏🌺
देशमा मन्दी घरमा बन्दी बिदेशी सन्धिमा ।
कालापानी र लिपुलेकको चर्केको घाउमा ।
नेपालीहरु बिदेशी भूमि नेपाली गाउँमा ।
महात्म्य गाई बसेको सुन्छु कोरोना नाउँमा ।४।🌷🙏🌺
ढाँट र छल लुकेको देख्छु धनको साथमा ।
सतित्व लुटी भागेका दुष्ट भेटिए बाटामा ।
समाती झट्ट कोरोना सुट्ट मसान घाटमा ।
आएर लानू रक्सीले माती सुतेको बेलामा ।५। 🌷🙏🌺
हराई गए पराइ भए नाता र कुटुम्ब ।
जाहेर गरे भेट्नको कुरा भइन्छ झसङ्ग ।
मनको इक्षा कोरोना थिच्छ थुनेर घरमा ।
कुल्चेर राख्यो टेकेर लुक्यो सबैको छातिमा ।६।🌷🙏🌺
बिपत्ति आयो शोकले छायो कोरोना करायो ।
मनमा थियो सुनौलो इक्षा खै कता हरायो ।
ओखती छैन देखिने हैन कसको के लाग्यो ।
जाँगर जोश मनमा जो छ त्यत्तिकै बिलायो ।७।🌷🙏🌺
तैपनि हामी प्रविधि हुँदा भएनौँ टुहुरो ।
टाढाको पनि नजिक ल्यायो बनायो एकोहोरो ।
मनका व्यथा कविता कथा नाटक रुपमा ।
पोखेर पनि हलुका हुने रहेछ छिनमा ।८।🌷🙏🌺
त्यसैले होला दुनियाँ सबै यसैमा भुलेको ।
कविले पनि कविता भन्दै सर्वत्र डुलेको ।
मनको व्यथा कविले पोख्छ कपिको पानामा ।
रमायो कवि आनन्द मानी दु:खको गानामा ।९ ।🌷🙏🌺
हरि शर्मा(गलकोटे कवि)
मिशिगन, अमेरिका । 🌷🙏🌺
Wed
