Thursday 19th November 2026

ब्यङ्ग्य कविताः बाँदरको गुट – लोक छन्दः सवाई -हरि शर्मा (गलकोटे कवि)


मलाई पनि यौटा गुट खोलौँ खोलौँ लाग्यो।
उस्तै उस्तै बाँदरहरु जोडौँ जोडौँ लाग्यो।
मान्छे जाति आएदेखि धपाउनु पर्छ ।
यो जातिले हाम्रो कामको सारै निन्दा गर्छ ।१। 🌷🙏🌺🌷

भनिकन बाँदरहरु संगठनमा जुटे।
बाँदर मात्र अटाएका मान्छेहरु छुटे।
कताबाट बाँदरहरु नौलो बाँदर भेटी।
उसको लागि बाँदरहरु गरे मरी मेटी ।२। 🌷🙏🌺🌷

ढोग गरी पाउ परी आफ्नै गुटमा लगे
लगिकन बाँदर मन्त्र घोकाउन लागे।
बाँदर रुप लिईकन आएको त्यो मान्छे।
देखेर नै छक्क दङ्ग बाँदर हुँदा भान्से ।३। 🌷🙏🌺🌷

बाँदर रुप मानवले विरोध गर्न थाल्यो।
नराम्रा ती कुकर्मको पोल खुली हाल्यो ।
डराएका बाँदरहरु षडयन्त्रमा लागे।
एक दुई वाँदरहरु डराएरै भागे।४। 🌷🙏🌺🌷

बाँदर रुपी मान्छेलाई सारै कष्ट भयो।
बाँदरको स्वभाव त्यो सहिनसक्नु लाग्यो।
मान्छे रुपी एक्लो हुँदा बाँदरहरुले हेपे ।
इज्जत सबै लुटे अनि त्यहाँबाट खेदे ।५। 🌷🙏🌺🌷

मान्छे गई मान्छेको समुहमा मिल्यो।
बाँदरहरु खुशी भए मनोमानी भयो।
बाँदरले मान्छे निको नमानेको देखेँ।
दुवै पक्ष खुशी देख्दा यो कविता लेखेँ ।६। 🌷🙏🌺🌷

हरि शर्मा(गलकोटे कवि)
मिशिगन, अमेरिका । 🌷🙏🌺🌷


सम्बन्धित शीर्षकहरु

काठमाडौं । भूमिहीन दलित, भूमिहीन सुकुम्बासी तथा अव्यवस्थित बसोबासीको समस्या समाधान गर्ने अभियानअन्तर्गत सरकारले पाँचवटा स्थानीय तहलाई भूमिहीन समस्यामुक्त पालिका…

१८ नोभेम्बर २०२६ | मध्यपूर्व / मध्यपूर्वमा अमेरिका र इरानबीचको सैन्य तनाव थप चर्किएको छ। इरानको केश्म टापुस्थित क्षेप्यास्त्र प्रक्षेपण…

-गोबिन्द राज ओझा (राजन ) अनन्त आकाशबीच चम्किने ताराका ज्योति हौँ हामी सबै, प्रकृतिका कणकणभित्र लुकेको चेतनाका मोती हौँ हामी…

प्रतिकृयाहरू
...