पराई पनि आफ्ना हुन्छन् धन भयो भने
टाढा पनि नजिक बन्छ मन भयो भने
धन र मन को मात्रै कुरा के गर्नु हजुर
घर पनि सुन्दर देखिन्छ आँगन भयो भने
गाउँ बस्तीहरु पनि हराभरा देखिन्छन्
छेउछाउमा हरियाली रानीबन भयो भने
एकताले समृद्ध बन्ने समाज मात्र होइन
परिवार नै बलियो बन्छ पर्याप्त जन भयो भने
आजकाल आफूलाई त कुबेर झै लाग्छ हजुर
एक महिनालाई मात्रै पुग्ने रासन भयो भने
धर्मिला कार्की
महाराजगंज,काठमाडौँ
