२०२६ फिफा विश्वकप अमेरिका, क्यानडा र मेक्सिकोले संयुक्त रूपमा आयोजना गर्न लागेको अहिलेसम्मकै सबैभन्दा ठूलो प्रतियोगिता हुने अपेक्षा गरिएको छ । नेपाली समय अनुसार आज राती १२ बजेर ४५ मिनेटमा मेक्सिको सिटीको एज्टेका रंगशालामा २०२६ फिफा विश्वकपको पहिलो खेलसँगै प्रतियोगिताको औपचारिक सुरुवात हुँदै छ ।
यस पटकको विश्वकपमा ४८ टोली सहभागी हुनेछन्। यस प्रतियोगिताले विश्वव्यापी रूपमा ठूलो आर्थिक गतिविधि, अर्बौं डलरको कारोबार, रोजगारी सिर्जना र विज्ञापन तथा प्रविधिमा उल्लेखनीय वृद्धि ल्याउने अनुमान गरिएको छ।
यद्यपि आयोजक देशहरूलाई दीर्घकालीन आर्थिक फाइदा सीमित हुने र उच्च खर्च, महँगो टिकट तथा राजनीतिक तनावजस्ता चुनौतीहरू पनि देखिएका छन्। मेसी र रोनाल्डोको अन्तिम विश्वकप हुने भएकाले खेलमा थप आकर्षण रहनेछ, र उपाधिका लागि युरोप र दक्षिण अमेरिकाका प्रमुख टिमहरूबीच कडा प्रतिस्पर्धा हुने अपेक्षा गरिएको छ।
