Sunday 22nd November 2026

नेपालमा कोरोना संक्रमितको संख्या ६५ हजार नाघ्यो, थप १६ जनाको मृत्यु


तितोपाटी – विश्वव्यापी महामारीको रूपमा संसारलाइ चपेटामा पारेको कोभिड-19 नोवल कोरोना भाइरसको कारण पछिल्लो २४ घण्टामा ११५४ जना संक्रमित थपिएका छन् । सोहि अबधिमा १००५ जना निको भएका छन् भने थप १६ जनाको मृत्यु भएको छ । यो संख्या दैनिक मृत्यु भएकाहरू मध्ये अहिले सम्मकै अधिक हो ।

अहले सम्म संक्रमित भएकाको कुल संख्या ६५२७६ पुगेको छ भने देश भरका अस्पताल तथा आइसोलेसन सेन्टरमा १७६११ जना उपचाररत रहेका छन् । त्यसै गरि अहिलेसम्म कोरोनाको कारण मर्नेको संख्या ४२७ पुगेको छ । देशको राजधानी काठमाडाैं उपत्यकामा पछिल्लो २४ घण्टामा ६७४ जनामा कोरोना संक्रमण देखिएको स्वास्थ्य तथा जनसंख्या मन्त्रालयले जनाएको छ।

स्वास्थ्य तथा जनसंख्या मन्त्रालयका प्रवक्ता प्रा. डा. जागेश्वर गाैतमको अनुसार सोमबार अपरान्ह सम्म कुल ४७२३८ जना कोरोना संक्रमणबाट निको भएर घर फर्किएका छन् । त्यसै गरि मृत्यु हुनेहरूमा विभिन्न ११ जिल्लाका ३ महिला र १३ पुरूष गरि १६ जना रहेका छन् ।

पछिल्लो २४ घण्टामा ९ हजार ५ सय ३३ जनाको पीसीआर परीक्षण गरिएको छ भने हालसम्म देशभर पीसीआर विधिबाट ९ लाख २३ हजार ८ सय २३ जनाको परीक्षण भएको  छ । हाल क्वारेन्टाइनमा ७ हजार ४ सय ०३ जना रहेका छन् भने आइसियुमा १९६ जना र भेन्टिलेटरमा ३१ जना उपचाररत रहेका छन् । होम आइसोलेसनमा ८६९० जना रहेका छन् भने संस्थागत आइसोलेसनमा ८९२१ जना उपचाररत रहेका छन् ।

विश्वव्यापी महामारीको रूपमा संसारभर फैलिरहेको कोरोना भाइरसबाट अहिलेसम्म ३ करोड १२ लाख ७३ हजार भन्दा बढि संक्रमित भइ २ करोड २८ लाख ५१ हजार भन्दा बढिले स्वास्थ्यलाभ गरिसकेका छन् भने ९ लाख ६५ हजार भन्दा बढिको ज्यान गइसकेको छ ।


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...