तितोपाटी – कोरोना संक्रमणबाट थप १० जनाको मृत्यु भएको छ । यो सँगै नेपालमा कोरोना संक्रमणबाट मृत्यु हुनेको हालसम्म ४११ पुगेको छ । स्वास्थ्य तथा जनसंख्या मन्त्रालयले आइतबार आयोजना गरेको नियमित कोरोना मिडिया ब्रिफिङमा मृत्युको औपचारिक रुपमा पुष्टि गरेको हो । प्रवक्ता डा.जागेश्वर गौतमले मृतकमा ६ जना महिला र ४ जना पुरुष रहेको बताए । मृतकहरू विभिन्न ७ जिल्लाका रहेका छन् ।
मृतकमा काठमाडौँका ३ जना रहेका छन् । ४० वर्षीया, ६० वर्षीया र ६३ वर्षीया महिलाको मृत्यु भएको हो ।
ललितपुरका ७५ वर्षीया, भक्तपुरका ७२ वर्षीया र पाल्पाका ४० वर्षीया महिलाको कोरोना संक्रमणले मृत्यु भएको हो । कोरोना संक्रमणबाट मृत्यु हुने पुरुषमा चितवनका ८० वर्षीय, रुपन्देहीका ६७ वर्षीय, धुनषाका ७६ वर्षीय र काठमाडौँका ८२ वर्षीय रहेका छन् ।
