यो कोरोना रोग होइन मान्छे मार्ने खेल हो ।
त्यो अस्पताल रहेन कैदी राख्ने जेल हो ।
डाक्टर र वैज्ञानिक के को रमिता गर्दैछन्,
जनताले भन्न थाले राजनीतिक भेल हो ।
यो मुस्कानको जवानी लुटेपछि आयौ ।
शरीरको विभिन्न अंग फुटेपछि आयौ ।
यस्तै राम्रो वकिलको आवश्यक थियो,
अपराधीहरू जेलबाट छुटेपछि आयौ ।
बारम्बार महिला हिंशा हेर्न सक्दिन महोदय ।
एक्लैले देशको नियम फेर्न सक्दिन महोदय ।
लौन केहि बाँच्ने उपाय गर्दिनोस चेलीलाई,
शरीर वरिपरि काँडेतार बेर्न सक्दिन महोदय ।
-मुस्कान ‘मुस्कान’
धनकुटा, पाख्रीबास
मो. नं. 9848877361
