तीन सचेतनामुलक मुक्तकहरू -हरि शर्मा (गलकोटे कवि)

छलको बल गरेको शासन लोकमा टिक्दैन ।
ठगको बोली दीर्घकालसम्म कदापि बिक्दैन ।
बुझ्दैनौ किन तिमी खुट्टा तान्ने नपुंसकहरु ?
पक्कै हो मूर्खले राम्रो कुरा कदापि सिक्दैन । १ ।?????

तरबार भन्दा ठूलो, कलम हो भन्छन् ।
कलमकै भरमा कवि, प्रख्यात बन्छन् ।।
जहाँ रवि पुग्दैनन्, त्यहाँ पुग्छन् कवि
कविले आफ्नो मान, कवितामा गन्छन् । २ ।?????

वीरता लेख्छ कलम, आन्दोलन गर्छ ।
कविको सन्देशले, संकट पनि टर्छ ।
रुन्चे मन बुझाउन, पोख्त परे कवि
सुन माथि सुगन्ध नि कविले नै भर्छ । ३ ।?????

हरि शर्मा( गलकोटे कवि)
गलकोट, बागलुङ नेपाल
हाल:मिशिगन अमेरिका ।