तितोपाटी – नेपालमा पछिल्लो २४ घण्टामा थप ८९९ जनामा कोरोना संक्रमण पुष्टि भइ कुल संक्रमित संख्या ३९४६० पुगेको छ भने देश भरका अस्पताल तथा आइसोलेसन सेन्टरमामा १७८२२ जना उपचाररत रहेका छन् । त्यसै गरि अहिलेसम्म कोरोनाको कारण मर्नेको संख्या २२८ पुगेको छ । देशको राजधानी काठमाडाैं उपत्यकामा पछिल्लो २४ घण्टामा २९८ जनामा कोरोना संक्रमण देखिएको छ । पछिल्लो २४ घण्टामा ५८८ जना कोरोना जितेर घर फर्केका छन् भने ७ जनाको मृत्यु भएको स्वास्थ्य तथा जनसंख्या मन्त्रालयले जनाएको छ।
स्वास्थ्य तथा जनसंख्या मन्त्रालयका प्रवक्ता प्रा. डा. जागेश्वर गाैतमको अनुसार सोमबार अपरान्ह सम्म कुल २१४१० जना कोरोना संक्रमणबाट निको भएर घर फर्किएका छन् । त्यसै गरि मृत्यु हुनेहरूमा रूपन्देहीकी ६८ वर्षीया महिला, गोरखाकी ६२ वर्षीया महिला र महोत्तरीकी ४ वर्षीया बालिका गरि ३ महिला तथा झापाका ८६ वर्षीय पुरूष, चितवनका ७८ वर्षीय पुरूष, भक्तपुरका ७७ वर्षीय पुरूष र राैतहटका ४० वर्षीय पुरूष गरि ४ जना पुरूष रहेका छन् भने अहिलेसम्म कोरोनाको कारण मृत्यु हुनेको संख्या २२८ पुगेको छ ।
हालसम्म देशभर पीसीआर विधिबाट ६ लाख ९३ हजार ४ सय ७२ जनाको परीक्षण भएको छ भने हाल क्वारेन्टाइनमा ७ हजार ३ सय ३७ जना रहेका छन् भने अाइसियुमा १३२ जना र भेन्टिलेटरमा १६ जना उपचाररत रहेका छन् । होम आइसोलेसनमा ७१२१ जना रहेका छन् भने संस्थागत आइसोलेसनमा १०७०१ जना उपचाररत रहेका छन् ।
विश्वव्यापी महामारीको रूपमा संसारभर फैलिरहेको कोरोना भाइरसबाट अहिलेसम्म २ करोड ५४ लाख १६ हजार भन्दा बढि संक्रमित भइ १ करोड ७७ लाख २४ हजार भन्दा बढिले स्वास्थ्यलाभ गरिसकेका छन् भने ८ लाख ५१ हजार भन्दा बढिको ज्यान गइसकेको छ ।
