Sunday 22nd November 2026

सरकारले चार्टर उडान पुनः सूचारू गर्ने, विदशेबाट आउनेले ७ दिन अनिवार्य होटलमा बस्नु पर्ने


तितोपाटी – सरकारले चार्टर तथा उद्दार उडानलाइ पुनः सूचारू गर्ने भएको छ । हिँजो विहीबार साँझ बालुवाटारमा बसेको मन्त्रिपरिषद बैठकले चार्टर तथा उद्दार उडानलाई पुनः सूचारु गर्ने निर्णय गरेको हो ।

हवाइ मार्गबाट स्वदेश आउने यात्रुहरुले काठमाडौं आइपुगेपछि सात दिनसम्म होटल क्वारेन्टाइनमा अनिवार्य बस्नुपर्ने मापदण्डसमेत निर्धारण गरेको छ । जसको लागि कुन होटलमा बस्ने भन्ने बुकिङ गरेर मात्रै काठमाडौं आउनुपर्ने छ ।

होटल क्वारेन्टाइनमा बस्दाको खर्च पनि व्यक्ति आफैले व्यहोर्नुपर्ने सरकारले मापदण्ड बनाएको छ । जसको लागि सरकारले होटलहरुको सूची प्रकाशित गर्ने जनाएको छ ।

१ दिनमा बढीमा तीनवटा फ्लाइटसम्म मात्रै सरकारले उडान अनुमति दिने मन्त्रिपरिषदले मापदण्ड तोकेको जानकारी गराइएको छ । यसका साथै, विदेशबाट आउनेहरुको सूची पनि सम्बन्धित देशको दूताबासले तोकेबमोजिम हुने जनाइएको छ ।

यसका साथै, सरकारले तोकेका दश वटा स्थल नाकाहरुबाट स्वदेश फर्किने नागरिकलाई पनि सोही नाकास्थित होटल क्वारेन्टाइनमा अनिवार्य रुपमा ७ दिनसम्म बस्नुपर्ने मापदण्ड तोकिएको जानकारी गराइएको छ ।


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...