बाबा नै नहुँदा बसाइ घरमा अत्यन्त सास्ती जहाँ ।
सम्झन्छौँ अति नै पुकार कति नै सुन्दिन्छ खै को यहाँ।
बाबाको भरमा जहाँन सबले लाएर खाएर यो।
भएको प्रगती चटक्क कसरी छोडेर बेकार कहाँ ।१।
ब्रम्हाण्डै भरमा कडोर जनमा मिल्ला र बाबा सरी।
बाबाको महिमा अपार गरिमा टुट्दैन कस्तै गरी ।
अज्ञानी जनले कपूत सबले बाबा र आमा पनि ।
कुत्ताको रुपमा असाध्य पिरमा पारेर सास्ती दिने ।२।
राख्दैछौ तिमीले कुभाव जसरी छोरा र छोरी पनि।
उस्तै दुष्ट बनी लिएर बदला निर्धक्क पापी बनी ।
पाखण्डी मनका उजण्ड तनका सन्तान तस्तै गरी ।
डस्नेछन् जन हो बिचार गर है सन्देश राम्रो छ यो ।३।
हरि शर्मा(गलकोटे कवि)
गलकोट बागलुङ नेपाल
हाल: मिशिगन अमेरिका ।
