सुन्दा खबर अविस्वासिलो हुरी चले झैं भयो।
नेपाली साहित्य जगतको मियो ढले झैं भयो।
रोए अक्षर र शब्द आज, रोएका छन् कृतिहरु,
रुँदैछन् नेपाली जनहरु, मन यो गले झैं भयो।
लाग्यो आज धस्यो धरा फाट्यो यो मनको गरा,
चुँड्दा प्राण हजुरको दैवले ढाँटे छले झैं भयो।
राखी चितामा जलाउँदा, त्यो पार्थिव देहलाई?
नेपाली साहित्यको सिङ्गो घर नै जले झैं भयो।
अश्रुले धोई चरणकमल त्यो दिँदा श्रद्धाञ्जली,
बाल्दा दिप कविको नाउँमा आत्मा बले झैं भयो।
-राज श्रेष्ठ
हेटाैंडा, नेपाल
हालः कुवेत ।
