भानुभक्तको चम्कायौ नाम मोती झैँ गरेर।
उनका कृति खोजेर ल्यायौ औँलामा गनेर।
आदिकविको उपाधी दियौ भानुको नाउँमा।
समस्त जुनी बितायौ तिमी परोपकारमा ।१।
दैबको लीला अचम्म लाग्ने चुँडेर लगेको।
लाऊँ र खाऊँ बैंसालु दिन स्वर्गमा गएको।
कसले गर्ला निशाफ तिम्रो धिक्कार दुनियाँ।
चम्किए भानु चम्केन मोती अचम्म भएँ म।२।
नारीको साथ गरिने वार्ता गजल भनिन्छ।
फारसी उर्दु यसको श्रोत भएको मानिन्छ ।
मोतिकै कर्म गजल यहाँ देशमा भित्रेको।
गजल साथ मोतीको नाम जोडिई रहेको ।३।
कविता कथा नाटक साथै प्रशस्त आख्यान।
तिजको कथा चाणक्यनीति उखान बखान।
शकुन्तला र प्रियदर्शिका पञ्चकप्रपञ्च।
प्रल्हाद भक्ति उषाचरित्र बालाजीबर्णन ।४।
स्वप्न अध्याय पिकदुत र गुलसनोबर।
कालभ्रमरसँवाद मन उद्बेग प्रबाह ।
पद्मावतीको नामले उनी पस्केका साहित्य।
टपक्क टिप्यो निष्ठुरी काल जीवन अनित्य।५।
-हरि शर्मा(गलकोटे कवि)
गलकोट- बागलुङ, नेपाल
हाल: मिसिगन अमेरिका ।
